شہری سے دودھ ڈبل روٹی بھی چھین کر لے گئے ۔۔ کراچی میں بھوکے ڈاکو آدمی سے کھانے پینے کی چیز چھین کر فرار ہوگئے، ویڈیو

کراچی کے شہری آئے روز ڈاکوؤں کے نشانے پر رہتے ہیں۔ گھروں کی دہلیز پر ڈاکو شہریوں کا نقدی سامان لوٹ کر باآسانی فرار ہوجاتے ہیں جس کی روک تھام کے لیے کوئی اقدامات نہیں کیئے جا رہے۔

ڈاکو عام طور پر لوگوں سے پرس، موبائل فون اور موٹر سائیکل چھین کر فرار ہوجاتے ہیں لیکن اب ایسے ڈاکو بھی سامنے آئے ہیں جو شہری سے کھانے کا سامان لوٹ کر بھاگ گئے۔

ویڈیو میں دیکھاجا سکتا ہے کہ ملزمان موٹرسائیکل پر شہری کا پیچھا کرتے ہوئے گھر تک پہنچے اور ڈاکوؤں نے شہری کو اسلحہ کے زور پر لوٹا جب کہ ساتھ ہی موٹر سائیکل بھی لیکر فرار ہوگئے۔

سی سی ٹی وی ویڈیو میں واضح دیکھا جاسکتا ہے کہ ملزمان موٹر سائیکل پر لٹکی دودھ اور ڈبل روٹی کی تھیلی بھی ساتھ لے گئے۔