مرحوم عامر لیاقت کی خالی نشست پر الیکشن، پی ٹی آئی کا امیدوار کون؟ بڑا نام سامنے آ گیا

کراچی(این این آئی)تحریک انصاف کے کراچی کے حلقہ این اے 245 کے ضمنی انتخاب کے لیے محمود مولوی کو امیدوار نامزد کر دیاہے۔کراچی میں پریس کانفرنس کرتے ہوئے پی ٹی آئی کے صوبائی صدر علی زیدی نے اعلان کرتے ہوئے کہا کہ این اے 245 سے

محمود مولوی پی ٹی آئی امیدوار ہوں گے وہ پی ٹی آئی میں بہت سال سے سرگرم ہیں انہوں نے بڑی کرپشن پکڑنے اور روکنے میں بہت مدد کی ہے پورٹ اینڈ شپنگ میں کرپشن پکڑنے میں کافی مدد کی۔علی زیدی نے کہا کہ این اے 240 میں لڑائی جھگڑا ہوتا رہا پتہ ہی نہیں چلا کہ کیا ہو رہا ہے اب این اے 245 میں ووٹنگ ٹرن آئوٹ سے پتہ چلے گا پی ٹی آئی کتنی بڑی جماعت ہے پیپلزپارٹی سندھ کی جماعت بن کر رہ گئی ہے جب کہ ایم کیوایم بھی کراچی کے اندرکی جماعت بن کررہ گئی ہے۔انہوں نے کہا کہ 2019 میں بھی کراچی میں موسلادھار بارش ہوئی تھی ہم نے نالے صاف کئے تھے ، کراچی نہیں ڈوبا، 2020میں ہم نے نالے صاف نہیں کئے تو کراچی ڈوب گیا اب ہم نے سارے نالے بنوائے سڑکیں بنوائیں، وفاق کی جانب سے 35ارب روپے سے نالے ٹھیک کرائے۔انہوں نے کہاکہ ہم نے 350میگاواٹ زیادہ بجلی دی تاکہ کراچی کی صنعتیں چلیں کراچی والوں پر لوڈشیڈنگ کا بم گرا ہے انڈسٹری تباہ ہورہی ہے مچھیرے کشتی لیکر پانی میں نہیں جاسکتے کیونکہ ڈیزل مہنگا ہو گیا ان کی معاشی پالیسیز کی وجہ سے ہزاروں گھرانے بربادہوجائیں گے۔