بڑے کینو میں چھوٹا کینو فری، وہ 7 تصاویر جنہوں نے دنیا بھر میں لوگوں کی خاص توجہ حاصل کی اور وائرل ہوگئیں

بچپن میں ٹافیاں تو سب ہی نے خریدی ہوں گی ریپر کھولنے کے بعد ایک کے بجائے دو ٹافیاں اگر مل جائیں تو بچوں کی خوشی دیدنی ہوتی ہے- اس کو بونس کہتے ہیں اور بعض لوگ اس کو ایک ٹکٹ میں دو مزے بھی کہتے ہیں- کچھ ایکسٹرا مل جانے کی خوشی ایسی ہوتی ہے کہ انسان بے ساختہ دوسروں کو بتانے کے لیے چلا اٹھتا ہے۔ کچھ افراد اپنی اس خوشی کی تصویر لے کر اس کو یادگار بنا لیتے ہیں ایسی ہی دوہری خوشی کے کچھ پل آج ہم آپ کے ساتھ شئير کریں گے امید ہے کہ آپ کو پسند آئیں گے-

کینو کے اندر ملا ایک کینو ایکسٹرا
کھانے کے لیے کینو کو چھیلیں اور اس میں سے ایک اور چھوٹا چھلا ہوا کینو مل جائے تو حیرت کے ساتھ ساتھ قدرت کے کمالات پر یقین ہوجاتا ہے اس کی تصویر سب کے ساتھ شئير کرنا تو بنتا ہے-

بڑی دادی اور چھوٹی دادی ساتھ ساتھ
راہ چلتے کچھ مناظر انسان کو اس طرح اپنی گرفت میں لے لیتے ہیں کہ انسان بے ساختہ تصویر کھنچنے پر مجبور ہو جاتا ہے-

کتا تو کتا کتے کا کان بھی کتا
اس کتے کے کان کو دیکھیں اس کا رنگ بالکل ایسا ہی ہے جیسے کہ ایک اور اس کا ہم شکل اس کے سر پر سوار ہے-

سیب کے اوپر ایک اور سیب
اس سرخ سیب پر ایسے سبز رنگ کے قدرتی نشان ہیں جس کو دیکھ کر ایسا محسوس ہو رہا ہے کہ ایک سیب پر ایک اور سیب موجود ہے-

لوہے اور پانی کا جنگلا کیا کبھی کسی نے دیکھا ہے
سردی کی شدت نے لوہے کے جنگلے کے ساتھ برف کا ایک جنگلا بھی اس مہارت سے بنایا کہ انسان بے ساختہ قدرت کی اس کاریگر ی کو سراہنے پر مجبور ہو جاتا ہے-

بڑی گاڑی میں سے چھوٹی گاڑی نکل آئے تو خوشی تو ہو گی ہی نا
ایک گاڑی خریدنے پرآپ گھر لائیں اور اس میں ایک چھوٹی گاڑی بھی موجود ہو تو تصویر لے کر اس خوشی کو دوسروں کے ساتھ شئير کرنے کا مزہ ہی کچھ اور ہے-

برگر میں چھپے بہت سارے برگر
اس برگر کو بنانے والے کے ذہن میں کیا تھا اللہ ہی جانے

ان تصویروں کو دیکھ کر آپ کو کیسا محسوس ہوا ہمیں ضرور بتائيے گا