حکومت کا پی ٹی آئی کے استعفے منظور کرنے کا فیصلہ
حکومت کا پی ٹی آئی کے استعفے منظور کرنے کا فیصلہ
اسلام آباد (آن لائن)سپیکر قومی اسمبلی راجہ پرویز اشرف نے وزیراعظم سے مشاورت کے بعد پاکستان تحریک انصاف کے
مستعفی ارکان اسمبلی کے استعفیٰ منظور کرنے کا فیصلہ کر لیا ہے،قومی اسمبلی سیکرٹریٹ نے ابتدائی طور ایوان میں استعفیٰ دینے
کا اعلان کرنے والے ارکان کے استعفوں کو منظور کیا جائے گا،قومی اسمبلی سیکرٹریٹ ذرائع کے مطابق سابق حکمران جماعت پاکستان تحریک انصاف
کے استعفوں کی جانچ پڑتال شروع کر دی گئی ہے،ابتدائی طور پر ان ارکان اسمبلی جنہوں نے 9اپریل آواز لگا کر استعفیٰ پیش کیا تھا،
ذرائع کا کہنا ہے کہ آواز لگا کر استعفیٰ دینے والوں میں سابق وزیر خارجہ شاہ محمود قریشی سمیت 8ارکان اسمبلی شامل تھے،
اس حوالے سے قومی اسمبلی سیکرٹریٹ نے ویڈیوز کا جائزہ لینا شروع کر دیا ہے اور اگر ضروری سمجھا گیا تو فرانزک ٹیسٹ کے لیے بھی بھیجا جا سکتا ہے۔