اولاد اللہ پاک کا ایک بہت بڑا تحفہ ہے یہی وجہ ہے کہ اگر ایک ساتھ کسی کے ہاں ایک سے زائد بچے پیدا ہو جائیں تو انکی تو خوشی کا ٹھکانہ ہی نہیں رہتا۔

ایک اسی طرح کا واقعہ سامنے آیا ہے جس میں لاہور جنرل اسپتال میں خاتون کے ہاں 4 بچوں کی پیدائش ہوئی ہے ۔ ان چار بچوں میں سے 2 لڑکے اور 2 لڑکیاں ہیں۔

اس کے علاوہ جنرل اسپتال کی انتظامیہ کا یہ بھی کہنا ہے کہ اس خاتون کا پہلے سے ایک 5 سال کا بیٹا بھی ہے اور یہ خاتون فیرز پور روڈ کی رہائشی ہے۔

اس کے علاوہ بھی پاکستان میں ہی کئی ایسے واقعات سامنے آ چکے ہیں جن میں خاتون کے ہاں بیک وقت ایک سے زائد بچوں کی پیدائش ہوئی ہے۔

پشاور میں خاتون کے ہاں بیک وقت 6 بچوں کی پیدائش:

پشاور کے ایل آر ایچ کے گائنی وارڈ میں بیک وقت چھ بچوں کی پیدائش ہوئی ہے۔ پاکستان کے صوبے خیبرپختونخوا کے شہر پشاور کے اہم ترین اسپتال لیڈی ریڈنگ میں خاتون نے بیک وقت 6 بچوں کو جنم دیا ہے۔

لیڈی ریڈنگ اسپتال کے ترجمان محمد عاصم کے مطابق خاندان کا تعلق ضلع مہمند سے ہے اور خاتون کے ہاں 5 فی میل اور ایک میل بچے کی پیدائش ہوئی ہے جب کہ سب بچے اور ان کی ماں خیریت سے ہیں۔

بچوں کی پیدائش رات کے وقت کیوں ہوتی ہے؟ ماہرین نے بتادیا:

اسپتال ترجمان نے مزید کہا کہ نومولود بچوں کی پیدائش گائنی سی وارڈ کی ڈاکٹرز کی زیر نگرانی ہوئی ہے اور نومولود بچوں کو اس وقت نرسری وارڈ میں داخل کیا گیا ہے تاکہ ان کی صحت کے بارے میں تفصیلی معلومات حاصل کئے جا سکیں۔

واضح رہے ایل آر ایچ کا گائنی وارڈ صوبے کا سب سے بڑا اور جدید یونٹ ہے جس میں روزانہ کی بنیاد پر تقریباً 70 بچوں کی پیدائش ہوتی ہے۔