عمران خان نے ہر شہری کیلئے فی یونٹ 5 روپے سستاکیا،امپورٹڈ حکومت نے وہی بجلی 24 روپے مہنگی کر دی، عثمان بزدار کی حکومت پر چڑھائی

لاہور( این این آئی) سابق وزیر اعلیٰ پنجاب عثمان بزدار نے کہا ہے کہ عمران خان نے پاکستان کے ہر شہری کے لئے بجلی فی یونٹ 5 روپے سستی کی،امپورٹڈ حکومت نے آ کر وہی بجلی 24 روپے مہنگی کر دی۔ ٹوئٹر پر اپنے بیان میں عثمان بزدار نے کہا کہ ضمنی انتخابات تک نگرانی کے لئے رکھے گئے جعلی وزیراعلی نے انتخابی سٹنٹ کے طور پر کچھ گھرانوں کو مفت بجلی دینے کا جھوٹا وعدہ کیا ،یہ کیا عوام کو بیوقوف سمجھتے ہیں۔ امپورٹڈ حکومت سے چند سوالات پوچھنا چاہتے ہیں،بجلی فی یونٹ 24 روپے مہنگی کیوں کی،5 روپے کا دیا گیا ریلیف کیوں واپس لیا گیا،پیسے بچانے کے لیے پاور پلانٹس بند کر کے عوام کو لوڈ شیڈنگ کا عذاب کیوں دیاجارہا ہے ،پیٹرول اور ڈیزل کی سبسڈی کیوں ختم کی،نگران جعلی وزیراعلی کس قانون کے تحت پیکج دے سکتا ہے۔