کراچی، قتل کی واردات میں ملوث ٹک ٹاکرز کو گرفتار کر لیا

ملیر پولیس کی جانب سے کی گئی کارروائی میں قتل کی واردات میں ملوث ٹک ٹاکرز کو گرفتار کرلیا گیا۔

خبر کے مطابق پولیس نے مشکوک اطاعت کی بنیاد پر چھاپہ مار، جہاں 14 سے 15 سال کی عمر کے ملزمان کو گرفتار کرلیا گیا ہے۔ ملزمان میں سعید احمد اور فاضل شامل ہیں۔

ایس ایس پی ملیر عرفان بہادر کا کہنا ہے ملزم فاضل نے باہر کھڑے شہری پر گولی چلا دی جو کہ جان لیوا ثابت ہوئی۔ مزید کہا کہ ملزم کی شناخت سی سی ٹی وی فوٹیج کے ذریعے کی گئی ہے۔

عرفان بہادر نے بتایا کہ ملزمان نے 23 دسمبر کو زخمی ہونے والے شہری قمر رضا پر فائرنگ کی تھی، جس کے بعد وہ شہری جاں بحق ہوگیا تھا۔

جبکہ پولیس نے گرفتار ملزمان سے اسلحہ اور واردات میں استعمال ہونے والی موڑ سائیکل بھی برآمد کر لی ہے۔ تاہم پولیس کا کہنا ہے کہ ملزمان سے مزید تفتیش جاری ہے، جلد ہی ان کے تمام ساتھیوں کو گرفتار کر لیا جائے گا۔