بل گیٹس کی پاکستان آمد، کن بڑی شخصیات سے ملاقات کریں گے؟

مائیکروسافٹ کے بانی بل گیٹس پاکستان کے دارالحکومت اسلام آباد پہنچ گئے ہیں۔

ذرائع کے مطابق دنیا کی طاقتور ترین لوگوں میں سے ایک بل گیٹس صدرِ پاکستان عارف علوی اور وزیر اعظم عمران خان سے ملاقات کریں گے۔

مائیکرو سافٹ کمپنی کے مالک بل گیٹس کووڈ 19 اور پولیو وائرس کی روک تھام کے حوالے سے بریفنگ بھی جاری کریں گے۔

علاوہ اَزیں بل گیٹس این سی او سی کا بھی دورہ کریں گے۔

اطلاعات کے مطابق بل گیٹس آج شام تک کے لیے پاکستان آئے ہیں جس کے بعد وہ واپس اپنے ملک روانہ ہوجائیں گے۔