مستونگ میں سی ٹی ڈی کی کارروائی ، داعش کے 11 دہشت گرد ہلاک

پیر کے روز بلوچستان کے ضلع مستونگ میں گروپ کے کیمپ میں انٹیلی جنس پر مبنی آپریشن (آئی بی او) میں کم از کم 11 داعش دہشت گرد ہلاک ہو گئے۔
ترجمان سی ٹی ڈی نے بتایا کہ آئی بی او کو انسداد دہشت گردی کے محکمے (سی ٹی ڈی) بلوچستان نے کلی قمر مزار آباد کے علاقے میں کیا۔
یہ چھاپہ داعش کے دہشت گرد عبدالحئی کی اطلاع پر کیا گیا۔ ترجمان نے مزید کہا کہ سی ٹی ڈی ٹیم نے جائے وقوعہ پر پہنچ کر دہشت گردوں کو گھیر لیا۔
عسکریت پسندوں نے اہلکاروں پر اندھا دھند فائرنگ شروع کر دی اور ان پر دستی بم پھینکے۔ سی ٹی ڈی ٹیم نے جوابی فائرنگ کی جس کے نتیجے میں 11 دہشت گرد ہلاک ہوگئے۔
ترجمان کے مطابق دہشت گردوں سے اسلحہ اور دھماکہ خیز مواد کا ایک بڑا ذخیرہ برآمد ہوا ہے ، جس میں 360 راؤنڈز کے ساتھ چار ایس ایم جی ، ایک ایل ایم جی 80 راؤنڈز ، دو خودکش جیکٹس ، تین 9 ایم ایم پستول ، 15 کلو گرام دھماکہ خیز مواد ، پرائم کورڈ ، آٹھ دستی بم شامل ہیں۔
انہوں نے مزید کہا کہ باقی دہشت گردوں کی شناخت کے لیے کوششیں جاری ہیں۔

ترجمان کے مطابق کیمپ مستقبل قریب میں داعش کے لیے لانچنگ پیڈ کے طور پر استعمال ہونے والا تھا۔

انہوں نے مزید بتایا کہ عبدالحئی مئی 2021 میں مستونگ پولیس موبائل حملے میں ملوث گروپ کا رنگ لیڈر تھا۔
ترجمان نے مزید کہا کہ ایک تفصیلی تحقیقات کیمپ کی دریافت کا باعث بنی۔
انہوں نے کہا کہ سی ٹی ڈی بلوچستان پولیس اسٹیشن میں ایک ایف آئی آر درج کر لی گئی ہے اور نیٹ ورک کے بقیہ ارکان کی گرفتاری کے لیے تحقیقات کا آغاز کر دیا گیا ہے۔
انہوں نے مزید کہا کہ بلوچستان کے دیگر علاقوں میں دیگر شرپسندوں کی گرفتاری کے لیے مزید چھاپوں کی منصوبہ بندی کی گئی تھی۔