پہلے سجدہ کرو ۔۔ سرفراز احمد نے نسیم شاہ کو ہاتھ ملانے سے پہلے سجدے کا کہہ دیا پھر کیا ہوا؟
پاکستان کرکٹ ٹیم کے سابق کپتان اور وکٹ کیپر بلے باز سرفراز احمد پہلے ہی اپنی کارکردگی اور اخلاق کے باعث سوشل میڈیا صارفین کے دلوں میں جگہ بنائے ہیں وہیں ان کی ایک اور ویڈیو نے صارفین کی توجہ حاصل کرلی ہے۔
پاکستان سپر لیگ سیزن 7 میں ہونے والے میچ کے دوران کوئٹہ گلیڈی ایٹرز کے باؤلر نصیم شاہ نے ہیٹرک کی جس پر سرفراز احمد نے انہیں سجدہ شکر کرنے کا کہا۔
یہ ویڈیو دیکھتے ہی دیکھتے سوشل میڈیا پر وائرل ہونے لگی اور لوگوں کی جانب سے سرفراز احمد کے اس عمل کی تعریف کی جا رہی ہے۔
ہفتے کے روز کوئٹہ گلیڈی ایٹرز اور کراچی کنگز کے میچ کے دوران نسیم شاہ نے شاندار باؤلنگ کا مظاہرہ کیا۔
نوجوان باؤلر نے مخالف ٹیم کی پانچ وکٹیں لیں، وکٹ لینے کے بعد نسیم شاہ جب کپتان سرفراز احمد کے پاس جشن منانے گئے تو کپتان نے انہیں تاکید کی کہ پہلے سجدہ کرو۔
سرفراز احمد کی نسیم شاہ کو سجدہ کرنے کی تاکید کی ویڈیو سوشل میڈیا پر زیرگردش رہی۔صارفین کپتان کو اس اقدام پر سراہتے دکھائی دے رہے ہیں۔